*"पेट्रोल-डिझेलमध्ये 13 रुपयांची झटका दरवाढ! पाकिस्तान सरकारच्या निर्णयाने नागरिकांचे बजेट कोलमडले"*
*इस्लामाबाद:* इराण-अमेरिका युद्धामुळे जगभरातील इंधन पुरवठ्यावर परिणाम झाला असून आता त्याचा फटका पाकिस्तानातील नागरिकांना बसला आहे.
पाकिस्तान सरकारने पेट्रोल आणि डिझेलच्या दरात मोठी वाढ जाहीर केली आहे.
*पेट्रोल 13.18 पाकिस्तानी रुपये* आणि *हाय-स्पीड डिझेल 13.80 पाकिस्तानी रुपये प्रति लिटर* महाग झाले आहे.
नवीन दरांनुसार आता पाकिस्तानमध्ये *पेट्रोल 310.71 रुपये प्रति लिटर* तर *डिझेल 323.30 रुपये प्रति लिटर* दराने मिळणार आहे. पेट्रोलियम विभागाने जारी केलेल्या अधिसूचनेनुसार हे नवे दर आजपासूनच लागू झाले आहेत.
*कच्च्या तेलाच्या वाढत्या किमतीमुळे* हा निर्णय घ्यावा लागला असल्याचे सरकारने म्हटले आहे. या दरवाढीमुळे आधीच महागाईने त्रस्त असलेल्या नागरिकांच्या बजेटवर मोठा ताण येणार आहे.
*काही दिवसांपूर्वीच दिलासा, आता पुन्हा फटका*
काही दिवसांपूर्वीच पाकिस्तानमध्ये इंधन दरात मोठी कपात झाली होती. 28 फेब्रुवारीला डिझेल 281 रुपये होते, मात्र 3 एप्रिलला ते 530.35 रुपयांच्या उच्चांकावर पोहोचले होते. त्यानंतर दर कमी केल्याने नागरिकांना दिलासा मिळाला होता. पण आता पुन्हा दरवाढीमुळे सर्वसामान्यांचे गणित बिघडले आहे.
*भारतातील स्थिती*
युद्धजन्य परिस्थितीचा परिणाम भारतावरही झाला आहे. मे 2026 मध्ये पेट्रोल 7.80 रुपये आणि डिझेल 8.70 रुपये प्रति लिटरने महागले. दिल्लीत पेट्रोलचा दर *102.12 रुपये* आणि डिझेल *95.20 रुपये* झाला आहे. इतर राज्यांमध्ये पेट्रोल 110 ते 115 रुपयांपर्यंत पोहोचले आहे.
---
#PetrolDieselPrice #Pakistan #Mahagai #FuelPriceHike #PakistanNews #BreakingNews #PetrolPrice #DieselPrice #IranUSWar #Inflation #पेट्रोलडिझेल #महागाई #पाकिस्तान #इंधनदरवाढ #बातमी
إرسال تعليق